იურიდიული ეთიკის მიმართულება

პროექტი ხორციელდება ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით აღმოსავლეთ-დასავლეთის მართვის ინსტიტუტის (EWMI) - ის პროგრამის ფარგლებში - კანონის უზენაესობის მხარდაჭერა საქართველოში (PROLoG).

სიახლეები

საჯარო ლექცია თემაზე - „ადვოკატის როლი და ეთიკის მნიშვნელობა იურიდიულ პროფესიაში“

2019 წლის 25 ნოემბერს, დაიგეგმა ნიუ ვიჟენ უნივერსიტეტისა და  ბათუმის შოთა რუსთაველის სახელმწიფო უნივერსიტეტის ერთობლივი აქტივობა - საჯარო ლექცია. ლექცია გაიმართება თემაზე - „ადვოკატის როლი და ეთიკის მნიშვნელობა იურიდიულ პროფესიაში“. საჯარო ლექციას გაუძღვება ნიუ ვიჟენ უნივერსიტეტის იურიდიული ეთიკის მიმართულების თანახელმძღვანელი, საქართველოს ადვოკატთა ასოციაციის ეთიკის კომისიის წევრი - ანა ლორია.

საჯარო ლექციაზე დასწრება შეუძლიათ იურიდული ფაკულტეტის სტუდენტებს, პრაქტიკოს იურისტებსა და სხვა დაინტერესებული პირებს.

საჯარო ლექცია გაიმართება 25 ნოემბერს, 14:00 საათზე ბათუმის შოთა რუსთაველის სახელობის სახელმწიფო უნივერსიტეტში.

საჯარო ლექციის მხარდამჭერია ამერიკის შეერთებული შტატების საერთაშორისო განვითარების სააგენტო (USAID), აღმოსავლეთ-დასავლეთის მართვის ინსტიტუტის პროგრამის ფარგლებში - „კანონის უზენაესობის მხარდაჭერა საქართველოში“ (PROLoG).

‘The Lincoln Lawyer’ - კინოჩვენება და დისკუსია

ნიუ ვიჟენ უნივერსიტეტის იურიდიული ეთიკის მიმართულების ფარგლებში 21 ნოემბერს 17:00 საათზე უნივერსიტეტის ეკოკამპუსში გაიმართება ფილმის „ლინკოლნი ადვოკატისათვის“ ჩვენება და დისკუსია. ეს არის 2011 წლის ფილმი, რომლის რეჟისორია ბრედ ფურმანი. ფილმში ნაჩვენებია ისტორია ჰოლივუდელ ადვოკატ მიკ ჰოლერზე, რომელიც მეტად საინტერესო სისხლის სამართლის საქმეებს უძღვება თავისი ავტომობილიდან - ლინკოლნიდან. ეს არის ფილმი, რომელიც ყველა იურისტმა უნდა ნახოს.

კინოჩვენებას უმასპინძლებს ‘Audimax studio’ ნიუ ვიჟენ უნივერსიტეტის ეკო კამპუსში. დისკუსიას გაუძღვება ნიუ ვიჟენ უნივერსიტეტის იურიდიული ეთიკის მიმართულების თანახელმძღვანელი, საქართველოს ადვოკატთა ასოციაციის ეთიკის კომისიის წევრი და იურისტი ანა ლორია. დისკუსიის ფორმატში განვიხილავთ ფილმში დასმულ პრობლემატიკას ადვოკატის ქმედებებს პროფესიულ ეთიკასთან მიმართებით.

დასწრება თავისუფალია.

კინოჩვენების მხარდამჭერია ამერიკის შეერთებული შტატების საერთაშორისო განვითარების სააგენტო (USAID), აღმოსავლეთ-დასავლეთის მართვის ინსტიტუტის პროგრამის ფარგლებში - „კანონის უზენაესობის მხარდაჭერა საქართველოში“ (PROLoG).

უნივერსიტეტში ქართული სამართლის მიმოხილვის პრეზენტაცია გაიმართა

2019 წლის 24 ოქტომბერს ნიუ ვიჟენ უნივერსიტეტში გაიმართა ჟურნალ ქართული სამართლის მიმოხილვის პრეზენტაცია.

გამოცემა აერთიანებს ნიუ ვიჟენ უნივერსიტეტის იურიდიული ეთიკის მიმართულების ფარგლებში შექმნილ სტატიებსა და კვლევებს, რომლებიც იურიდიული ეთიკის აქტუალურ საკითხებს შეეხება. ჟურნალში შეხვდებით როგორც პრაქტიკოსი იურისტების, ასევე, იურიდიული ფაკულტეტის სტუდენტების მიერ შექმნილ ნაშრომებს.

ჟურნალის ელექტრონული ვერსია შეგიძლიათ იხილოთ ბმულზე.

ნიუ ვიჟენ უნივერსიტეტის იურიდიული ეთიკის მიმართულების მხარდამჭერია ამერიკის შეერთებული შტატების საერთაშორისო განვითარების სააგენტო (USAID), აღმოსავლეთ-დასავლეთის მართვის ინსტიტუტის პროგრამა - „კანონის უზენაესობის მხარდაჭერა საქართველოში“ (PROLoG).

ადვოკატთა პროფესიული ეთიკის ეროვნული შეჯიბრი

ნიუ ვიჟენ უნივერსიტეტის იურიდიული ეთიკის მიმართულება ატარებს ადვოკატთა პროფესიული ეთიკის ეროვნულ შეჯიბრს, რისთვისაც იწყებს გუნდების რეგისტრაციას. შეჯიბრში მონაწილეობის მიღება შეუძლიათ საქართველოში მოქმედი უმაღლესი საგანმანათლებლო დაწესებულების იურიდიული ფაკულტეტის როგორც ბაკალავრიატის მე-3 და მე-4 კურსის, ასევე მაგისტრატურის საფეხურის სტუდენტებს.

გუნდი უნდა შედგებოდეს ოთხი წევრისაგან/სტუდენტისაგან. შერჩევის პროცესში უპირატესობა ენიჭება პირველად რეგისტრირებულ 10 გუნდს, აქედან 8 გუნდი შეირჩევა თბილისიდან, ხოლო 2 გუნდი - რეგიონებიდან. გუნდის წევრი არ შეიძლება იყოს საქართველოს ადვოკატთა ასოციაციის წევრი. რეგიონებიდან ჩამოსული გუნდების ხარჯებს (მგზავრობა, სასტუმრო) ანაზღაურებს შეჯიბრის ორგანიზატორი.

შერჩეული გუნდები საკუთარ პოზიციას წარმოადგენენ ეთიკის კომისიის იმიტირებულ პროცესზე. შეჯიბრი ტარდება 2 ეტაპად: პირველი იმიტირებული პროცესის შემდეგი ფინალისთვის შეირჩევა ოთხი გუნდი. ფინალში გამოვლინდება 1-ელ, მე-2, მე-3 და მე-4 ადგილზე გასული გუნდები, რომლებიც დაჯილდოვდებიან.

იმიტირებულ პროცესზე გუნდებს შეაფასებენ მოწვეული მსაჯები. მსაჯები შეირჩევიან პრაქტიკოსი იურისტების და ადვოკატთა პროფესიული ეთიკის ექსპერტების შემადგენლობიდან.

გუნდებმა შევსებული სარეგისტრაციო ფორმა უნდა გამოგზავნონ 2019 წლის 4 ნოემბრის ჩათვლით შემდეგ ელექტრონულ მისამართზე: legalethicschair@newvision.ge

შეჯიბრის წესები დეტალურად იხილეთ ბმულზე.

იურიდიული ეთიკის სასწავლო კურსის სილაბუსის პრეზენტაცია

23 სექტემბერს, ნიუ ვიჟენ უნივერსიტეტის იურიდიული ეთიკის მიმართულების სამუშაო ჯგუფი უმაღლესი საგანმანათლებლო დაწესებულებების პროფესორებსა და მოწვეულ ლექტორებს შეხვდა და სამართლის სამაგისტრო პროგრამის სასწავლო კურსის სილაბუსი გააცნო იურიდიულ ეთიკაში.

კურსი მოიცავს ადვოკატთა პროფესიული ეთიკის საკითხებს და აერთიანებს როგორც თეორიულ ნაწილს, ასევე ინდივიდუალურ და ჯგუფურ სავარჯიშოებს, პრაქტიკაზე დაფუძნებულ სწავლებასა და როლურ თამაშებს. სამაგისტრო საფეხურისათვის განკუთვნილ სილაბუსში მეტი აქცენტია გაკეთებული საერთაშორისო კანონმდებლობასა და პრაქტიკაზე ადვოკატთა პროფესიული ეთიკის დარგში. კურსის ფარგლებში გათვალისწინებულია ქართული და საერთაშორისო კანონმდებლობის შედარებითი ანალიზი.

აღნიშნული კურსი უნივერსიტეტის იურიდიული ეთიკის მიმართულების სამუშაო ჯგუფმა, ეთიკის კომისიის მოქმედი და ყოფილი წევრების, პრაქტიკოსი ადვოკატების, ადგილობრივი და უცხოელი ექსპერტების მონაწილეობით შეიმუშავა. იურიდიული ეთიკის მიმართულების პროექტს ნიუ ვიჟენ უნივერსიტეტი ახორციელებს ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით, აღმოსავლეთ-დასავლეთის მართვის ინსტიტუტის პროგრამის - „კანონის უზენაესობის მხარდაჭერა საქართველოში“ (PROLoG) ხელშეწყობით.

სილაბუსის გაზიარების მიზნით გამართულ სამუშაო შეხვედრას ათამდე უნივერსიტეტის სამართლის სკოლის პროფესორ-მასწავლებელი და სახელმწიფო დაწესებულებების იურისტები დაესწრნენ.

შეხვედრა პროფესორ-მასწავლებლებთან სამაგისტრო პროგრამის სილაბუსის გაზიარებისათვის პროფესიულ ეთიკაში

იურიდიული ეთიკის მიმართულების სამუშაო ჯგუფმა, ეთიკის კომისიის მოქმედი, ყოფილი წევრების, პრაქტიკოსი ადვოკატების, ადგილობრივი და უცხოელი ექსპერტების მონაწილეობით შეიმუშავა იურიდიული ეთიკის სასწავლო კურსი ამჯერად უკვე სამართლის სამაგისტრო პროგრამის სტუდენტებისათვის, ამერიკის შეერთებული შტატების საერთაშორისო განვითარების სააგენტოს (USAID) ხელშეწყობით, აღმოსავლეთ-დასავლეთის მართვის ინსტიტუტის (EWMI)-ის პროგრამის ფარგლებში - კანონის უზენაესობის მხარდაჭერა საქართველოში (PROLoG).

კურსი მოიცავს ადვოკატთა პროფესიული ეთიკის საკითხებს. კურსის სალექციო ფორმატი აერთიანებს როგორც თეორიულ ნაწილს, ასევე ინდივიდუალურ და ჯგუფურ სავარჯიშოებს, პრაქტიკაზე დაფუძნებულ სწავლებასა და როლურ თამაშებს. სამაგისტრო საფეხურისათვის განკუთვნილ სილაბუსში მეტი აქტენტია გაკეთებული საერთაშორისო კანონმდებლობასა და პრაქტიკაზე ადვოკატთა პროფესიული ეთიკის დარგში. კურსის ფარგლებში გათვალისწინებულია ქართული და საერთაშორისო კანონმდებლობის შედარებით ანალიზი.

აღნიშნული კურსის პრაქტიკაში დანერგვის ხელშეწყობისა და მომზადებული სილაბუსის პროფესორ-მასწავლებლებისთვის გაზიარების მიზნით, ნიუ ვიჟენ უნივერსიტეტი, 2019 წლის 23 სექტემბერს 18:30სთ-დან - 21:00სთ-მდე, გიწვევთ შეხვედრაზე, რომელიც გაიმართება ნიუ ვიჟენ უნივერსიტეტის ადმინისტრაციულ შენობაში, მისამართზე ქ. თბილისი, ევ. მიქელაძის 1ა. 

შეხვედრაში მონაწილეობის მიღება შეუძლიათ საქართველოში ავტორიზებული უმაღლესი საგანმანათლებლო დაწესებულებების პროფესორებსა და მოწვეულ ლექტორებს, რომლებიც დაინტერესებული არიან იურიდიული ეთიკის სწავლებით. 

გთხოვთ, შეავსოთ სარეგისტრაციო ფორმა.

რეგისტრაციის ბოლო ვადა: 20 სექტემბერი

იურიდიული ეთიკის მიმართულების თანახელმძღვანელის ვიზიტი ბათუმის სახელმწიფო უნივერსიტეტში
იურიდიული ეთიკის მიმართულების თანახელმძღვანელის ვიზიტი ბათუმის სახელმწიფო უნივერსიტეტში

29 ივლისს, უნივერსიტეტის იურიდიული ეთიკის მიმართულების თანახელმძღვანელი ანა ლორია სამუშაო ვიზიტით იმყოფებოდა ბათუმის სახელმწიფო უნივერსიტეტში.

ვიზიტის მიზანი იყო იურიდიული ეთიკის სწავლების მიმართულებით გამოცდილების გაზიარება და თანამშრომლობის გაღრმავება.

ანა ლორია ბათუმის სახელმწიფო უნივერსიტეტის იურიდიულ და სოციალურ მეცნიერებათა ფაკულტეტის წარმომადგენლებს შეხვდა. მხარეებმა განიხილეს ბათუმის სახელმწიფო უნივერსიტეტში სამაგისტრო საფეხურზე იურიდიული ეთიკის კურსის დანერგვისა და ნიუ ვიჟენ უნივერსიტეტის იურიდული ეთიკის მიმართულების მიერ ორგანიზებულ შეჯიბრებსა და სტატიების კონკურსში მონაწილეობის საკითხები. მათ ასევე ისაუბრეს ბათუმის სახელმწიფო უნივერსიტეტის სამართლის კლინიკაში იურიდიული ეთიკის მიმართულების ინტეგრირების შესახებ.

ბათუმის სახელმწიფო უნივერსიტეტის წარმომადგენლები მონაწილეობას მიიღებენ ასევე ნიუ ვიჟენ უნივერსიტეტის იურიდიული ეთიკის მიმართულების მიერ დაგეგმილ პროფესორ-მასწავლებელთა ტრენინგში, რომელიც შემოდგომაზე ჩატარდება. ტრენინგი გაიმართება სამაგისტრო საფეხურზე იურიდიული ეთიკის სასწავლო კურსის სილაბუსის გაზიარების მიზნით.

სამუშაო ვიზიტი განხორციელდა ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით, აღმოსავლეთ-დასავლეთის მართვის ინსტიტუტის (EWMI)-ის პროექტის ფარგლებში - კანონის უზენაესობის მხარდაჭერა საქართველოში (PROLoG).

საჯარო ლექცია თემაზე - „ადვოკატის ინტერესთა კონფლიქტი პრაქტიკაში“
საჯარო ლექცია თემაზე - „ადვოკატის ინტერესთა კონფლიქტი პრაქტიკაში“

28 ივნისს, იურიდიული ეთიკის მიმართულების მოწვევით, საქართველოს ადვოკატთა ასოციაციის ეთიკის კომისიის წევრმა ანა ხურციძემ უნივერსიტეტში ჩაატარა საჯარო ლექცია თემაზე: „ადვოკატის ინტერესთა კონფლიქტი პრაქტიკაში“.

ანა ხურციძემ ისაუბრა ინტერესთა კონფლიქტის ძირითად ასპექტებზე ადვოკატთა პროფესიული ეთიკის კოდექსისა და ადვოკატთა შესახებ საქართველოს კანონის ჭრილში.

საჯარო ლექციას სამართლის სკოლის სტუდენტები და სხვა დაინტერესებული პირები ესწრებოდნენ.

ღონისძიება გაიმართა ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით, აღმოსავლეთ-დასავლეთის მართვის ინსტიტუტის (EWMI)-ის პროექტის ფარგლებში - კანონის უზენაესობის მხარდაჭერა საქართველოში (PROLoG).

იურიდიული ეთიკის მიმართულების წარმომადგენელთა ვიზიტი აკაკი წერეთლის სახელმწიფო უნივერსიტეტში
იურიდიული ეთიკის მიმართულების წარმომადგენელთა ვიზიტი აკაკი წერეთლის სახელმწიფო უნივერსიტეტში

8 ივნისს, უნივერსიტეტის იურიდიული ეთიკის მიმართულების წარმომადგენლები სამუშაო ვიზიტით აკაკი წერეთლის სახელმწიფო უნივერსიტეტს (ქ. ქუთაისი) ეწვივნენ.

შეხვედრის ფარგლებში უნივერსიტეტების წარმომადგენლებმა იურიდიული ეთიკის კურსის გაძლიერებასა და ხელშეწყობაზე იმსჯელეს. ამ მიზნით იურიდიული ეთიკის თანამშრომლებმა სასწავლო მასალები და დაგროვილი გამოცდილება გაუზიარეს სახელმწიფო უნივერსიტეტის წარმომადგენლებს. შეხვედრაზე ასევე განიხილეს ქუთაისის უნივერსიტეტის იურიდიულ კლინიკაში იურიდიული ეთიკის მიმართულების შექმნის საკითხი.

სამუშაო შეხვედრა გაიმართა ამერიკის შეერთებული შტატების საერთაშორისო განვითარების სააგენტოს (USAID) ხელშეწყობით, აღმოსავლეთ-დასავლეთის მართვის ინსტიტუტის (EWMI)-ის პროგრამის მეშვეობით - კანონის უზენაესობის მხარდაჭერა საქართველოში (PROLoG).

იურიდიული ეთიკის ყოველწლიური კონფერენცია
იურიდიული ეთიკის ყოველწლიური კონფერენცია

10 მაისს, უნივერსიტეტში უკვე მეორედ გაიმართა იურიდიული ეთიკის ყოველწლიური კონფერენცია.

კონფერენციაზე მომხსენებლებმა ისაუბრეს დარგის უახლეს გამოწვევებსა და პრობლემატიკაზე, მათ შორის: კონფიდენციალობისა და ინტერესთა კონფლიქტის, არბიტრთა პროფესიული ეთიკის, სოციალურ მედიაში ადვოკატის გამოხატვის თავისუფლებისა და ადვოკატის ჰონორარის, მინდობილი თანხებისა და ადვოკატის ფიდუციური ვალდებულებების შესახებ.

ღონისძიება ჩატარდა უნივერსიტეტის იურიდიული ეთიკის მიმართულების ორგანიზებით, ამერიკის შეერთებული შტატების საერთაშორისო განვითარების სააგენტოს (USAID) ხელშეწყობით, აღმოსავლეთ-დასავლეთის მართვის ინსტიტუტის (EWMI)-ის პროგრამის მეშვეობით - კანონის უზენაესობის მხარდაჭერა საქართველოში (PROLoG).

ადვოკატთა პროფესიული ეთიკის ეროვნული შეჯიბრი

2018-11-19

16-18 ნოემბერს, ნიუ ვიჟენ უნივერსიტეტში გაიმართა სტუდენტური იმიტირებული შეჯიბრი ადვოკატთა პროფესიულ ეთიკაში. შეჯიბრში მონაწილეობა მიიღეს თბილისის თავისუფალი უნივერსიტეტის, ივანე ჯავახიშვილის სახელობის სახელმწიფო უნივერსიტეტის, ბათუმის შოთა რუსთაველის სახელმწიფო უნივერსიტეტის, საქართველოს უნივერსიტეტისა და შავი ზღვის საერთაშორისო უნივერსიტეტის სტუდენტებმა. 16 ნოემბერს, შეჯიბრის ორგანიზატორებმა მონაწილე გუნდებისათვის ჩაატარეს მოსამზადებელი ტრენინგი, სადაც განიხილეს შეჯიბრის კონცეფცია, წესები და ადვოკატთა პროფესიული ეთიკის ძირითადი პრინციპები.

შეჯიბრის პირველადი რაუნდები გაიმართა, 17 ნოემბერს, სადაც ეთიკის კომისიის იმიტირებულ პროცესზე საკუთარი პოზიციები წარადგინა ყველა გუნდმა. 18 ნოემბერს კი ფინალში გადასულმა ოთხმა გუნდმა იასპარეზა. მონაწილე გუნდებს აფასებდნენ პროფესიული ეთიკის სფეროში მოღვაწე მოწვეული ექსპერტ-მსაჯები. სამართლიანი და მიუკერძოებელი შეფასების მიზნებიდან გამომდინარე, მსაჯებისათვის წინასწარ ცნობილი არ იყო მონაწილე გუნდების უნივერსიტეტების შესახებ.

ორგანიზატორების გადაწყვეტილებით გამარჯვებული და საპრიზო ადგილებზე გასული გუნდები არ გამოვლენილან და ფინალისტ გუნდებს გადაეცათ სერტიფიკატები ფინალში მოპოვებული წარმატებისათვის. სხვა მონაწილე გუნდებს შორის კი განაწილდა სპეციალური ჯილდოები: კლიენტის ინტერესების საუკეთესოდ წარმოჩენის, ეთიკის კომისიის პრაქტიკის ეფექტიანად გამოყენებისა და საწინააღმდეგო არგუმენტების საუკეთესოდ გაბათილებისათვის. ეს მიდგომა გამოხატავს უნივერსიტეტის კონცეფციას ხელი შეუწყოს იმიტირებულ შეჯიბრებში საგანმანათლებლო მიზნებით მონაწილეობის იდეის პოპულირაზაციას.

შეჯიბრი გაიმართა ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით, აღმოსავლეთ-დასავლეთის მართვის ინსტიტუტის (EWMI) პროგრამის ფარგლებში - კანონის უზენაესობის მხარდაჭერა საქართველოში (PROLoG).